مشاهدة النسخة كاملة : جاري الشحن


عباس الدسيس
03-02-2010, 06:32 PM
http://madaninet.com/vb/uploaded/48_11265210972.jpg (http://madaninet.com/vb)

أول جملة بعد السلام تقولها امرأة لأخرى حين تلتقي بها ... مالك يا ختي بقيتي سمينه كدي ... أو اجي يا بنات امي ضعفك كده شنو عيانه ... وسعيدة من تسمع التعليق الثاني... ولقد حصلت تناقضات عجيبه البنت اصبحت تبحث عن الشحم في مجتمعنا الحالي اذ انقلبت الايه ورجعنا الي زمن حواء الطقطاقه ... الشحم ده ايييييييي اللحم ده اييييييي ولقد علمت ان هنالك وصفات طبية للسمنه في شكل حبوب اسمها .... جاري الشحن.... لو ما وقفت الحبوب بطرشق.... ايقاف الحبوب معناها انه تم فصل الشاحن من الكهرباء ... في فترة الثانوي كان لدي علاقة عاطفيه مع بنت سمينة ماشاءالله وهي فترة الواحد عايز اثبت وجودوا يعني الولد كبر خلاس كنت اتحاشي ان تكون بصحبتي اذ اصابتني عقده نفسيه من التمشي بجوارها في المحلات العامة لقد مررنا بموقف البصات العام بالسوق وماكان من سائقي البصات والكماسره الا وان صاحو بطريقه هستريه وكنوع من المشاغله لي والبنت .... الدفار حار – الدفار حار – الدفار حار – قلته الله انعل سنين الحب واياموا من ديك وعيييييييييك كل زول في طريق . ولقد دعت الحال ان بعض النساء يذهبن لدجالين بخصوص الشحم قد سمعت ان امرأة اخذت بنتها الي عراف تطلب منه ان يعمل لها عمل ليطرد الشيطان الذي ياكل مع بنتها ... البنت زي القشه ما دايره تشحم... واصبح الحال للبنات في سبيل الشحم افتشول خشم البقره ومما يضحك سألتني واحده اخت ... انت زمان كنت نحيف حسي ما شاءالله وزنك زاد بتعمل شنو.. طبعا هي ما عارفه في حاجة بناكلا احنا هنا اسمها الكبسه تكبسك تخليك واقف زمباره... قلته ليها انا عندي وصفه بعملا يومي من الصباح علي الريق بشرب شربات شطه (( كوب مويه تمصري ليمونه معاها ثلاثة معالق ملح ونص معلقه شطه واضافة ربع معلقه كمون )) تصدقوا البت استعملت الوصفه دي..... بقيت في الطريقه البقول ليها انا كنت بهظر معاك ما لقيت ..... يا بنات الناس كان شحم جابو الله خلوا .... كان ضعفه دي ارادت الله مالكن بتفتشن في الامراض .
file:///C:/DOCUME%7E1/abbas/LOCALS%7E1/Temp/moz-screenshot-2.png

عوض الكريم الخواض
03-02-2010, 07:43 PM
يا عباس أخوي ...
يعنى البنية (هريتا ) شطة بالليمون والكمون ...
وصفتك بتكون عملت ليها (قارضيا ) وكملت الفيها .

مايسة
03-02-2010, 08:47 PM
غايتو يا الدسيس غلبك عديل التسويهو :rolleyes:

قبلته على سمنة البنات - والضعفة - لكن يا اخوي - الخلي البنات يفكرن التفكير دا منو - ويرجعن لأيام حواء الطقطاقة تاني

طرح جميل - بس انت عندك املثلة الواحدة الضعيفة وعايزة تسمن - اما الحالات الشايفاها كلها العكس - عايزين يضعفو - عشان الموضة وكدا

انت ما شفته البنات الفي السوق العربي ديل ياخ - ماشات على الاستايل بتاع الفنانات والممثلات - السمنه دي خلوها زماااااان

همسة: قريبتك دي ما كان توصف ليها الجردقة وخلاص (جننتها):D

أشرف صلاح السعيد
03-02-2010, 09:29 PM
تعرف يا عبس لقيتك برة الشبكة نهائى ..يااخى انتا من زمن المرة ولا البت الدايرة تسمن بالله عليك الكلام البتقول فيهو تخزين كم سنة؟..يا زول هسع دى القشة أم روح بتعمل آيروبك حليل زمن تمشى كما يمشى البتاع داك الوحل..دا زمن الركشة والاتوس والامجاد ..يااخى انتا ما سمعتا قصة النسوان السمااان الوقفو سيد الكارو يقدمن بعد ما خلاص الفيهن كملت وقالن أبو أم البرستيج زاتو كارو كارو بس ما تجينا ذبحة قلبية ولطشة شمسية..أها العربجى شافن واتعاطف معاهن وقال ليهن : أركبن بس ما تخلو الحصان يشوفكن..دا زمن نعومى كامبل اللون ما مشكلة بس النعومة حوجة..والرشاقة مطلب صار جمالى ..واسمع دى واحد سأل صاحبو قال ليهو GMC ى معناها شنو واختصار لشنو؟..رد صاحبو : جقة مجنونة جن..هسع دى جد بتبقى مجنونة جن جنونى جن جن قصدى جد جد..النسكت حاسى إنى شوية كمان بكتسحك فى الحكاوى والكلام دا بجيب معتقلات وسفارات وانا كف واااحد بعترف..

حاتم مرزوق
08-02-2010, 02:18 PM
جاري الشحن ( رهيبة يا عبس)

المجتمع السوداني متميز في الوصف!! شايفك اليومين ديل مواضيعك يا دسمة يا هيكل عظمي:cool: ما في وسط يا ود الشريف ؟

ستظل الطبيعة هي الأجمل!!

طبيعي خلقة ربك ما داير اي زيــــــــــــــــــــــــــادة ومع لونك الاسمر ورد الخدود محمر لا بدرة لا احمر الوان محاسنك زي ما هـي .

أبوريلان
08-02-2010, 03:44 PM
حلوة جاري الشحن يالدسيس
قالوا أسمها النجمة البتخلي الواحدة قدر الهجمة
ياربي قصدهم هجمة مرتدة ولا هجمة أسد
تعرف يالدسيس مفروض يشحنوا لينا الفريق القومي .

شيكو
08-02-2010, 04:03 PM
[QUOTE
... الشحم ده ايييييييي اللحم ده اييييييي
ات ياعسل ات من تجيب ليك اغنيه مفروض تتمها
الشحم ده أيييييييييييي اللحم ده ايييييييييييييي
خلقو لي شنو؟
لي الجبجبه
أيي ورا ورا ورا

.... الدفار حار – الدفار حار – الدفار حار –
سايق الهمر يا الماهو هظار
ده استرليني ده بالدولار
أيي ده الشغل ده الشغل أيي ده الشغل ده الشغل
(( كوب مويه تمصري ليمونه معاها ثلاثة معالق ملح ونص معلقه شطه واضافة ربع معلقه كمون ))
ونص كوريه دكوه وقدوقدو وككوا( ده مشروب من الهالوك والانقارا )
ثم قليلا من النشا المره وكوريه موص
ويا الله أجيك وتسألني كان مابقت قدر الفيل وتنصر في منديل
ماتديني يدك يا ركس

منال
11-02-2010, 12:11 PM
يعنى لقيت ثقافتكم قديمة خلاص
انت من زمن السمن حسى بفتشوا فى الطريقة التنزلوا بالله تمشى كبرى شمبات العصر تلقى كل الاوزان ماشة جاية تتمرن
الصالات الرياضية والنوادى بالكوم والردوم
ولا العجب الصينين وصفات عجيبة وبدل الوجبة تبلع 5 حبات فى 15 يوم تنزل 7 كيلو
وفلانة فى المنشية وعلانة فى شارع 61 بيعملوا رجيمات وتنحيف
تقولى شطة على الريق ..............بتك دى جاى من كوكب الانا ولا شنو:p:p:p

شيكو
11-02-2010, 02:50 PM
يعنى لقيت ثقافتكم قديمة خلاص
تقولى شطة على الريق ..............بتك دى جاى من كوكب الانا ولا شنو:p:p:p

يجازي محنك يامنال
سمعنا بي كوكب يانانا في الاغنية القاجة بتاعت هاجر كباشي:
أمي يانانا كوكب يانانا
كوكب يانانا والجكس حالتو تعبانه
الا كوكب الانا ده
يبقي لينا بي الطرش
كان سمعنا بيهو يا الغالية