كلمات اغاني الفنان هاشم ميرغني

 

اديتك القلب المعذب قلت لى المو بتزيلو
يلقى فى وارف رموشك فرحتو ولحظات مقيلو
تبقى نور تبقى فجرو تمنع الدمعات يسيلو
وهسة لو داير تسيبو حتى باقى عمرى شيلو
بى محنة الزول بلوم دمعة فى الخدين بتجرى
كنت بامل انا فى سماحك الظروف فرقتنا بدرى
انت ماريدى ومناياكل لحظة بتضوى عمرى
وكنت دايرك يا حبيبى لو مره بى االامى تدرى
وهسة لو داير تسيبو حتى حتى باقى عمرى شيلو
فى نهاية لومى برضى بطمع تانى ترجع
كنت راجى الدنيا تبسم لينا بى افراحها ترجع
اصلى عارفك يامناياكل لحظه بتصبح اروع
وانت من طليت على طرفى ما اظن مره دمع

[عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا]

 

ماخلاص قلبى اصبح من عذابك فى الاسى
وهجير شديد وجعاتو ماشافن مساء
يوم القى ابتسامتك ابتسامك والصباح
ويوم القى فى عمقى الجراح
والعطف منك ياسماح يتلاشى راح
عاد اقبل وين واحكى الوجعه
ياتو خديد اشيل الدمعه وياتو حنين يجيب الراح
اشيل كلماتك واسافر اذكر بسيماتك واساهر
خلى طيفك يبقى هاجر يخلينى فى مسحة حزن مابتنطرح
مازى وجيهك كل يوم يصبح سمح يموت جرح
وجيبى جرح وقليبى لامات لافرح
اقبل وين واحكى الوجعه ياتو خديد اشيل الدمعه وياتو حنين يجيب الراح
هسع خايف من فراقك لم يحصل ببقى كيف
زى ورد فى عز نداهو خوفو بكره يزورو الصيف
من عرفتك كنت حاسس الزمن لى مابصيبك
كنت رغم ريدى انى زى الماحبيبك
والحنان البينا ولف لانصيبى ولا نصيبك
والزمان عارف مصيرنا حقو لى ماكان يجيبك
والفرح فى دربى عارفو اصلو مابطول كتير
زى غمام فى سمايا عد وسابنى فى عز الهجير
كم فراش على وردة طلت اصلو ما قايلة بيطير
فات ورا شايل هنانا خوفى من نفس المصير
وحقو ياعينى توالفى الصبر قبال فراقه
وانتى عارفة الجاي بكره وبرضو تغرقى فى اشتياقة
كم عيون فى الريده غرقت والزمن من ريدها ساقها
ما كتير القلبو حبه ياما كم فى هواها لاقا
يازمن علمنى انسى المحال نسيان عيونها
حتى لو ايامى طالت ما اظنى اعيش بدونها
ما اظن ايامى تانى تانى زى حنانها تكون حنونه
انت خونى زمانى كلو اوعك يوم تخونها
يازمن علمنى انسى المحال نسيان عيونها

[عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا]

 

فى زول هناك قولة
سلام تبقالو روح
فى زول هناك فى عيونو
زول بسماتو ابدا مابتروح
فى عيونو الصباح
زى الوشاح يتقاطر سماح
زى البرق شايل المطر
فى سمانا لاح
فى زول هناك يومو اللزور
تظهر زهور ويضحك بدور
فى ليل ظلامنا الماصبوح
كلموهو وقولو ليهو
حرفك بنور فى السطور
ويومو الليجى بملالينا كل الدنيا نور
يفرح القلب الصبور المن زمان مليان جروح

[عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا]

 

حــان الـزفـاف وأنــا حـالـي كـيـفن بوصفو

يـا ريـت هـواك لـي مـا انـقسم ولا قلبي ريدك نذفو

قــالـوا الـبـعـيش الـدنـيـا يــامـا تـشـوفـو

تـشقيهو بـي فـرقة عـزيز وبـالحسره ريـقو تنشفو

وإن شـاء الله مـا يـحصل فـراق لـقلوب بـعد ءاتولفو

بـس قـولي لـي أنـساك كـيف وأنـا قلبي ريدك محنو

أبـحر سـنين فـي كـون هـواك والـليله فـاقد مأمنو

وأنـا مـن زمـان عـارف الـبيكون وقـليبى كنت بيقنو

والـليله يـوم حـان الـزفاف أنـا حـالي مـين ما حننو

ولـو ده الـحصاد مـن كل ريد ناس قيس صحيح اتجننو

جـوني الـصحاب وأنـا قالوا لي شافوها في توب الزفاف

شـافوا الـدموع واتحسروا والشوق غمام في عيونها طاف

ومـــش عـــاد حـــرام ســاكـن الـضـفاف

يــنــشـره فــــي عــمــرو الــجـفـاف

طول عمري بزرع في الورود وحصادي شوك آخر المطاف

[عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا]

 

انتى مامشتاقة لي ولا ماعارفة العلي
يعنى مامشتاقة لي ولا ماعارفة العلي
لو خلاص خليتى ريدى يكفينى خاتمك فى اييدى
مازمان قبال اسيبك فراقى كان صعب عليك
شلت جرحى وفت منك همى بس كان كيف اجيك
جيت بى شوق الدنيا كلو داير احس بى شوقى فيك
بس لقيت اللهفة راحت حتى عينيكى ما عينيك
مازمان قبال افارقك قلتى لى اوعك تطول
قلبى دايما فى رجاك المحال غيرك يبدل
عشت بعدك كلى ذكرى امسى بى طيفك واقيل
الليله قلبك لونسانى غير عيونك وين اقبل
شلت فرحى وجيت اسالمك قايلك انتى تحسى بى
انتى ما انتى الزمان لامن قليبك بالفرح يحضن اييدى
انتى ما انتى الزمان اصلى مامصدق عينى

[عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا]

 

غيب وتعال تلقانا نحنا يانا نحنا
بنفس الايادى الراجفه المشتاقه لى ساعة سلامك
ماغيرتنا الظروف ولا هزتنا محنه
كم بعنا فى الغرام واشترينا وغير هواك
ماربحنا وياحبابنا وياشبابنا وياربابنا
وياسمحنا تلقانا بنفس القلوب الطيبه
الديمه تطرب من كلامك
تلقانا بى نفس المشاعر الطيبه
الديمه تطرب من كلامك
تلقانا بى نفس القلوب الياما
حزنت لم فقدت ابتسامك
والله بعدك ياغالى لانغنينا لانشرحنا
وتعالينا تعالينا تعالينا
تعال ياانبل عواطف طافت الدار الحزينه
تعال لى نفوسنا انت يامنبع
عذاب وانت يامصدر انينه
تعالينا يانيل البواكى
الكانت بتطرب يازين يوم
تجينا بالخطى الواعده وتزينه
لانسيناك واسترحنا لا لقيناك وفرحنا
انت غيب وتعــــــــــــــــــــــــال
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو

[عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا]

 

عـــــشــــان أهـــــلــــك

عـشان أهلك بخليكِ وأشيل في جرحي ماضيكِ

أحـاول وبـرضى ما قادر عشان أنسى وأنسيكِ

كـتير الـدمعه فـي عـينيك تشوفيني وتخبيها

تـخافي عـلى أشيل همك وعيونك تحكى بالفيها

وقـدر مـا يقولوا ليك عني عشان ريدتنا تنسيها

تـداري الآهـه بـالبسمه وريـدتك لي تزيديها

ودائـمـا ده الـمبيكِ وعـشان أهـلكِ بـخليكِ

غـريبه نـعيش زي الأغراب وما نتهنى بالريده

وكـلما نـشتل الأفـراح تـجي الأقدار تمد إيده

تـشيل أمـل العمر كلو وتبكى عيوني يوم عيده

وصحى القالوهو في الريده بتعرف بس ظلم سيده

وأنـا الـشقيان أرضـيكِ عـشان أهلك بخليكِ

سنيني العشتها في ريدك حرام لا خنت لا خنتي

أغـيب منك سنين وسنين وألاقيك انت بي إنتِ

وقدر ما يلوموني معاك عشاني اللوم كتير شلتي

وكـلما يـقيفوا في دربي أشيلك دمعه في صمتي

وبـس مـجبور أقـول ليكِ عشان أهلك بخليكِ

[عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا]

 

عندي كم في الدنيا زيك لما تزعلي مني انتي
انتي جرحي الما بيبره حتى لو من عيني غبتي

قلبي قبلك ما اظنو لحظه من ايامي عاشها
بي عيون الدمعه بصبح وينسى راحل زي فراشه
يوم رضيتي علي وجيتي طللا فوق عيني دعاشه
بيكِ عيَّد قلبي دابو غيمة الريد جاتني راشَّه

لما ارحل بي خطايا قلبي ما برحل معايا
اصلي بس خليتو ليكِ إبقى عَشره عليك ورايا
وعيني عاد كان شفتي بعدِك ما بتوالِف غير بكايا
اصلي في ريدك غرقت وناوي اغرق للنهايه

يا سلام لو شفتي حالي يوم تجيني رساله منِّك
بنسى ظلم الدنيا كلو ولي حروفك احكي عنِّك
ما عندي هم في الدنيا غيرك لو وحاتك زدتي حنِّك
عندي كم في الدنيا زيك لما تزعلي وللا إزعل قلبي منِّك

[عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا]

 

طلع الصباح


أطرد النوم من عيونك

ما خلاص طلع الصباح

خلى بالك للبخونك

يلاحى على الفلاح

***

وابدأ أول خطوة أمشى

الطريق لسه طويل

لسه قدامك مسافة

الف فرسخ والف ميل

وانت يا سودان قيافة

فيك تراب راويهو نيل

وانت يا سودان ثقافة

من زمن دقنه وخليل

نادى أولادك وأصرخ

غربتم طالت سنين

وأفتح أحضانك وأفرح

وضمهم بس بى حنين

واوعى تطلع كلمة تجرح

وتانى نرجع للانين

والزمن يسرقنا يسرح

وتانى يسلبنا اليقين

***

خلى بالك للمدارس

خلى بالك حصة حصة

وللكراريس أبقى دارس

والدرس نقراهو هسة

للفصول خليك حارص

ما تضيع فيها قشة

وللتلاميذ أبقى حارس

همه طينة ولسه هشه

الصبر هد الجبال

وانت صبرك ما اعتيادى

وخلى ضراعتك طوال

توصل القرى والبوادى

لمهم لمة رجال وطوف بلاد الدنيا نادى

وعلمهم كيف النضال

وافتخر قول ديل ولادى

[عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا]

 

كلمات والحان عثمان حسين

تسألني ليه


تسألني ليه ما إنت عارف كل شي
حبك الضيع حياتي ودربك الأبا إتمشي

تسألني ليه أغرب سؤال
وانا ريدي ليك مضرب مثل في كل مجال
وانا ردي ليك على اي حال
لا لقيتك قريب ولا الوجع من قلبي زال

تسألني هل بواصل في ريدك او اقيف
ما ببقى صيف ودر سنينو ورا الخريف
انا ما ردتك بي تعب قلبي الرهيف
الغرقتو فيك ما لاقي قيف

تسألني يا ريد هل بريدك
والكل بيعرف ضيعني ريدك
شلتا عقلي وقليبي الراسما إيدك
والعلي إعلمبو سيدك

[عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا]

 

علمتني السهد الأليم

بكيتني إنت وما بكيت
نزلت دموع تحكي الفراق
وإنت عاندت وأبيت
حتى عمري العيشتو فيك
فرحتو إنت وأنا الشقيت
لازمني إحساسي القديم
الغيرو أبداً ما لقيت

تأسرني بي كلمات غرام
أبقى مقتول بالكلام
أسير في سجنك ليّ زمن
مكتوب عليّ النوم حرام
لاني عارف إني فيك
ولا إنت فيني وأنا الملام
بقيت أخاف من الفرح
لأنو بعدو بجي الخصام

جيت تقول البينا راح
ما أصلو رايح من بدأ
أصلو صرخات من غريق
حتى البحر ما بيردده
وعشمي في الزمن العنيد
غنياتي فيك ما يخلده
خلفت في قلبي الجراح
خلفت فيك ذكرى وصدى

[عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا]

 

مره صابر
مره صابر فوق ازايا ومره شايل جرحي واشكي
يا حبيبي الدنيا حالها يوم تفرح ويوم تبكي



مره غايتو نقول اراده دنيا خاينه الحب تسيبو
يوم تجافي ويوم تصافي يوم تشيل سعدي وتجيبو



انت بيك سعدي وهنايا كيف اعيش بعدك الليالي
شاكي دهري وباكي حالي عش هوانا الاضحي خالي



احنا مهما فراقنا طول ريدنا في اعماقنا باقي
نبقي زي ما كنا اول و ياحبيبي الحي بلاق

[عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا]

 

ضل ضفايرك
-----
كنت غايب وضل ضافيرك
هجعتي وراحة هواي
وكم تعب في الغربة وتري
وردد الشقى في غناي
أحلامي ما كانت ضفاف
في الغربة تزهر في سواي
ولا مرة درب الشوق بِعد
طارق صباحاتي ومساي
ظلمو الحروف المشرقة
لو قالو فيك ما صونتها
لو أي سكة للفرح
في الغربة بعدك شفتها
يبقى الكلام القالو ليك
ظلم الحقيقة العشتها
لو ريدك اتبدل خصام
أنا ريدي أبداً ما انتهى
ولا مرة درب الشوق بِعد
بعد طارق صباحاتي ومساي
النجمة في كبد السما
شوفيها كيف حاضنا المدى
والزهرة في حضن الربيع
أحلاما بس قطرة ندى
وحياة غناي القلتو فيك
ونسجتو من رجع الصدى
أنا عشت بي ريدك سنين
أتلو محاسنك أرددا
لو قالو ليك أنا ريدي ضاع
تلقيهو يادوب ابتدا

[عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا]

 

دا ماقلبي البعرفو

دا ماقلبي البعرفو
ولا الدقات دي دقاتو
قلبي حنين بريد الناس
وبسعدو بي حكاياتو
اقول اجيكم انا اضيع
همي بيك وارتاح
وقلبي العاش حياتو ظلام
اصادف في عميرو صباح
امكن اشوف معاك ذاتي
وألاقي معاكي عقلي الراح
وقالوا الدنيا دار صُدفه
وبفتش للصُدف سواح
غايتو نقول بنتصبر لو
كان الصبر بجدي
حرمتي عيوني من شوفتك
وجرحت الدموع خدي
ألّوِم نفسي بي فراقك
كأني كتبتو بي يدي
وقلبي الشلتي ياحلوه
معاكي واصلو ماتردي
دا ما قلبي البعرفو ولا
الدقات دي دقاتو
قلبي حنين بريد الناس
وبسعدو من حكاياتو
زورق الالحان

[عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا]

 

الرساله الجاتني منو
شوقو بحضن في حروفو
يالايمني في بعدي عنك
وكلو زولاً بي ظروفو
الليل اطول مامعاي زول
ودي الغربه وياهو حلها
لما النجوم تتلاشى كيف
تكتب دموع العين رساله
للبريده وللبعيده المن ليل
بلدي وكحل العين دلالها
إلا عينيك تايهه مني في
دلالها وانشغالها
واضيعت القلب الراد
وكم قلوب في ثمالها
والغربه ياالحزن الدفين
ديمه كم هدت رجالها
وديمه فينا بكى العزاز
تهنا في بحورها ورحالها
تقول لي زولك قريب
نبضو في جنب الوريد
سكبو فيك اسمى العيون
دموعو لي رنو بعيد
والزيي ماشبه الدموع
افعل زمانها زي مايريد
الفراق ماكنت ناوي وفي
البعاد ماعندي إيد
الليل بهيم وحالي
الاليم والعين تدمع
وانا عشت فراقك علي بي
احساس الزول لامن اودع
والدرب البسوقني منك
مااظن في قريب لي ارجِع
الظروف القاسيه دايما
ضيعت زمن التصافي
اشوفك في خيالي
وإجي الصباح ألقاك مافي
وارجع للغربه يا اللي مجافي
الرساله الجاتني منو
شوقو بحضن في حروفو
يالايمني في بعدي عنك
وكلو زولاً بي ظروفو
زورق الالحان